AdventAI

“BAIRNIES, CUDDLE DOON.”

From Review and Herald, Vol. 73, No. 36., September 8, 1896

[Some fifteen years ago a common Scotch laborer, a hand on the North British railroad, composed the following poem. It appeared in a paper published in the town where the author lived, and its tender sentiment caused it to be widely copied.]

The bairnies cuddle doon at nicht, Wi’ muckle faucht an’ din; “O try and sleep, ye waukrif rogues, Your feyther’s comin’ in!” They dinna heed a word I speak; I try an’ gie a froon, But aye I hap them up, and cry, “O bairnies, cuddle doon!”

Wee Jaimie, wi’ the curly heid, He aye sleeps next the wa’, Bangs up and cries, “I want a piece!” The rascal starts them a’! I rin an’ fetch them pieces, drink, They stop a wee the soun’; Then draw the blankets up, and cry, “O weanies, cuddle doon!”

But scarce five minutes gang, wee Rab Cries out frae ’neath the claes: “Mither, mak Tam gie owre at ance! He’s kittlin’ wi’ his taes!” The mischief’s in that Tam for tricks, He’d baither half the toun; But still I hap them up, and cry, “O bairnies, cuddle doon!”

At length they hear their feyther’s step, And as he nears the door, They draw their blankets o’er their heids, While Tam pretends to snore: “Hae a’ the weans been guid?” he asks, As he pits off his shoon. “The bairnies John are in their beds, And lang since cuddled doon.”

And just before we bed oursels, We look at our wee lambs; Tam has his airm roun’ wee Rab’s neck And Rab his airm roun’ Tam’s. I lift wee Jaimie up the bed, An’ as I straik each crown, I whisper till my hairt fills up, “O bairnies, cuddle doon!”

The bairnies cuddle doon at nicht, Wi’ mirth that’s dear to me; But soon the big warl’s cark an’ care Will quaten doon their glee. But coom what will to ilka ane, May He who rules abune, Aye whisper, tho’ their pows be bald, “O bairnies, cuddle doon!”