THE MASTER AND THE BAIRNS

10%

S. D. A. Publishing Association · Battle Creek, Mich. · Jul 25, 1883

FromThe Youth’s Instructor, Vol. 31, No. 30.

Read the full edition

THE MASTER AND THE BAIRNS.

The Maister sat in a wee cot hoose, To the Jordan's waters near; An' the fisher fowk crushed an' crooded roon The Maister's words to hear.
An' even the bairns frae the near-haun' streets War mixin' in wi' the thrang; Laddies and lassies wi' wee bare feet Stanin' the crood amang.
An' ane o' the twal' at the Maister's side Rase up and cried aloud— “Come, come, bairns, this is nae place for you; Rin awa' hame oot the crood!”
But the Maister said, as they turned awa', “Let the wee bairns come to me!” An' he gaithered them roon' him whar he sat, An' lifted them up on his knee.
Ay', he gaithered them roon' him whar he sat, And straikit their bonnie hair; An' he said to the won'erin' fisher fowk That croodit aroond him there,—
“Sen' na the weans awa' frae me, But raither the lesson learn— That nane'll win in at heaven's yett That isna as pure as a bairn!”
An' he that wis o' oor kith an' kin, Yet a great Prince ower us a', Gaithered the wee anes in his airms An' blessed them ane an' a'.
O thou who watchest the ways o' men, Keep our feet in the heavenly airt, An' bring us at last to thy hame abune, As leal as the bairns in heart.
—Selected.